Inuit Pisinnaatitaaffiinut Kalaallit Nunaata Siunnersuisoqatigiivisa nittartagaanut tikilluarit

Kalaallit Nunaanni Inuit Pisinnaatitaaffiit pillugit Siunnersuisoqatigiit nittartagaannut tikilluarit.

Siunnersuisoqatigiit pilersitaavoq 2013-imi Danmarkip FN-ip Parisimi tunngavissaliai tunngavigalugit naalagaaffittut pisussaaffii tunngavigalugit, tassa Naalagaaffiit Inuit Pisinaatitaaffii pillugit Siunnersuisoqatigiinnik peqartariaqarnerannik innersuussutaat.

Danmarkimi Institut for Menneskerettigheder suleqatigalugit nunatsinni Inuit Pisinnaatitaaffii pillugit Siunnersuisoqatigiit pilersinneqarput.

Inatsimmik tunngaveqartumik pilersinneqarnerani naalakkersuisoqarfimmit aalajangersarneqarput soqutigisaqarfiit suut ilaasortaassanersut suullu alaatsinnaattutut ilaasortaassanersut. Maanna Siunnersuisoqatigiit 15-inik ilaasortaqarput pingasullu alaatsinnaattutut ilaasortaallutik. Soqutigisaqaqatigiit Ilaasortaasut inuttarititassatik   toqqagarisarpaat. Inuttut toqqagaaffik ukiuni pingasuni atasarpoq.

Kalaallit Nunaanni Inuit Pisinnaatitaaffii pillugit Siunnersuisoqatigiit suliassaasa ilagaat:

  • Inuit Pisinnaatitaaffinik suliassat suliarissallugit
  • Inuit Pisinnaatitaaffii pillugit ilisimanninneq qaammarsaatigiissallugu
  • Inuit Pisinnaatitaaffiinik pisariaqartitsisut aqqutissiuuttassallugit

Siunnersuisoqatigiit inatsit malillugu maalaarutinik suliaqarsinnaanngillat.

Maanna siulersuisut imatut inissisimalerput:

Siulittaasoq: Carl Chr. Olsen

Siulittaasup tullia: Leif Fontain

Siulittaasoqarfiup taamatut inissisimanerata saniatigut suleqatigiiffiit arlallit pilersinneqarsimapput, soorlu:

Inatsisitigut illersugaaneq pillugu suleqatigiit

Aningaasat atugassat ingerlannerannik malinnaasut

Suleqatigiit ilaasortanit inuttaligaasarput.

Siunnersuisoqatigiit ingerlaavartumik suleqatigaat Danmarkimi Institut for Menneskerettigheder, taakkualu siulersuisuinut ilaasortaatitaqarlutik. Anita Hoffer siunnersuisoqatigiit ilaasortaatitaraat.

Siunnersuisoqatigiit ukiumut ikinnerpaamik marloriarlutik ataatsimiittarput, aammali periarfissaqarlutik ilaasortanik naapititsinissamut.

Siunnersuisoqatigiit siunertaraat sulineq sukumiinerusumik, eqaannerusumik kiffaanngissuseqartumillu sulisinnaaneq anguniarlugit inatsisip Siunnersuisoqatigiinnut tunngasut allannguuteqartinnissaanut suleqataassallutik, ilaatigut aningaasa-liissutitigut allnnguinikkut kiffaanngissuseqartumik sulisinnaaneq anguniarlugu.

Tamassi malinnaatinneqarnissarsi siunertaraarput, tapersersuilluarlusilu suliamut malinnaanissarsi kissaatigaarput.

 

 

VIDEO TAKUUK
Innarluutilinnut isumaqatigiissutinut paasissutit