Inuit Pisinnaatitaaffii pillugit

Inuttut pisinnaatitaaffiit pisinnaatitaaffiupput inuit tamarmik pigisaat, aamma Kalaallit Nunaani. Pisinnaatitaaffiit taakku inunnguuseralugu pisinnaatitaaffiupput annaaneqarsinnaanatillu, inunnut tamanut atuuttuullutik. Pisinnaatitaaffiit akornanni taaneqarsinnaapput inuunissamut pisinnaatitaaffik, inuttut illersorneqarnissaq, eqqartuunneqarnermi naapertuilluartumik eqqartuunneqarnissaq, kiffaanngissuseqartumik oqaaseqarsinnaatitaaneq, peqatigiiffiliorsinnaatitaaneq aamma katersuusinnaatitaaneq, kiisalu namminerisamik inuuneqarsinnaatitaaneq ilaqutariittullu inuuneqarsinnaatitaaneq.

Inuit tamarmik susassarisaattut sammineqarlutik Inuttut Pisinnaatitaaffiit nunarsuatsinni nunani amerlanerpaani  sammineqarlernikuupput. Kingumut qiviaraanni takuneqarsinnaavoq pisinnaatitaaffiit sammineqalernerat 1700-kunni aallartinneqartut, kisiannili aatsaat 1948-qalermat, naalagaaffiup inuttaasut, innuttaasullu pisinnaatitaaffii ataasiakkaat ataatsimoortumik inuttut pisinnaatitaaffinngortinneqarput. Inuit Pisinnaatitaaffii 1948-mi FN-imi atuutsinneqalerput, nunarsuarmioqatigiinni pisinnaatitaaffinnut sakkussatut.

Inuit pisinnaatitaaffii ullumikkut tassaapput Nunarsuamioqatigiinni isummat tunngaviusut, inuiaqatigiit inuit pillugit eqqartuussiviini assigiinngitsut atorlugit nakkutiginninnernik pilersitsiffiusimasut, soorlu ass. FN-mi aamma EU-mi. Aalajangersakkat aamma assigiinngitsuupput soorlu ass. nalunaarusiat, aalajangersakkat aamma isumaqatigiissutit, isumaqatigiissutilli kisimik naalagaaffinnik pimoorussisumik pisussaaffiliisuupput.

SE VIDEO
Informationsvideo om handicapkonvention