Inuit Pisinnaatitaaffii pillugit Siunnersuisoqatigiit LGBT pisinnaatitaaffiinik taperserpaat

Inuit Pisinnaatitaaffii pillugit Siunnersuisoqatigiit LGBT pisinnaatitaaffiinik taperserpaat

Inuit Pisinnaatitaaffii pillugit Siunnersuisoqatigiit LGBT pisinnaatitaaffiinik taperserpaat, inuit tamarmik inunngormata nammineersinnaassuseqarlutik assigiimmillu ataqqinassuseqarlutillu pisinnaatitaaffeqarlutik.

Silarsuarmioqatigiinnut Nalunaarut malillugu kikkulluunniit pisinnaatitaaffinnik tamakkuninnga atuisinnaallutik pisinnaatitaapput.

Taamaattumik Inuit Pisinnaatitaaffii pillugit Siunnersuisoqatigit inuusuttut assigiinngisitaarnermik siuarsaaniarnermik suliniuteqarnerat taamalu pisinnaatitaaffinnik tamakkuninnga atuisinnaanermik paasinninneq siuarsarmassuk nuanaarutigaat, tamatumani apeqqutaatinnagu suiaassuseq aamma suiaanermik ersersitsineq – inuit tamarmik pisinnaatitaaffeqarnerat inuillu tamarmik  tamakkuninnga qaquguluunniit illersuisussaanerat.

Inuit tamaasa kaammattorpavut suliniaqataaqqullugit, PRIDE-imi namminermi najuunnikkut imaluunnit allatigut ersialaarsitsinermi taamalu allatigut assigiinngisitaarnermik, apeqqutaatinnagu inuttut ataasiuneq imaluunniit suliffeqarfik.

LGBT Kalaallit Nunaat inuillu pisinnaatitaaffiinik suliniuteqarnerat tamakkiisumik taperserpavut, aamma kissaatigaarput LGBT Kalaalllit Nunaat ullorsiorluaqqullugit  kikkullu tamarmik suiaassuseq suiaanermik ersersitsineq kusarnartumik PRIDE-imik nalliussinerat.

 

SE VIDEO
Informationsvideo om handicapkonvention