Inuit Pisinnaatitaaffii pillugit Nunarsuarmioqatigiinnut nalunaarut
Ulloq 10. december 1948-mi Naalagaaffiit Peqatigiit pingajussaannik ataatsimeersuarnerminni Inuit Pisinnaatitaaffii pillugit Nunarsuarmioqatigiinnut Nalunaarut akueraat tamanullu saqqummiullugu. Nalunaarut nunanit 48-nit anngaasunit akuerineqarpoq. Akerliusoqanngilaq. Nunat arfineq-pingasut qinersinngillat.
Oqaluttuarisaanermi taamatut pisoqarnerata kingorna ataatsimeersuarnermi nunat ilaasortaasut tamarmik nalunaarutip oqaasertaanik tamanik tamanut saqqummiusseqquneqarput. Taassuma saniatigut ima peqquneqarput "ingerlatsiveqarnikkut agguarneqassaaq, saqqummiunneqassaaq, atuarneqassaaq pingaartumillu atuarfinni allanilu ilinniarfinni nassuiaanneqassaaq, nunami sumiiffinnilu politikkikkut pissutsit assigiinngitsut apeqqutaatinnagit".
Nalunaarutip pisortatigoortumik oqaasertai Naalagaaffiit Peqatigiit pisortatigoortumik oqaasii arfiniliusut atorlugit allassimapput: araberisut, tuluttut, franskisut, kineserisut, russisut spanskisullu. Taassuma saniatigut Naalagaaffiit Peqatigiinni nunat ilaasortat arlallit ataatsimeersuarnermi kaammattuutit malippaat nalunaarullu nunap oqaasiinut nutserlugu. Danskisuunngortitaq quppernerni tullinnguuttoq udenrigsministeeriaqarfimmit suliarineqarpoq.
Inuit Pisinnaatitaaffii pillugit Nunarsuarmioqatigiinnut nalunaarut tamakkerlugu uani atuaruk: