Oqaloqatigiinnissamut apeqqutissiat
Apeqqutit oqaluuserisassat qulequtsiullugu suliniut, nunatsinni inuit pisinnaatitaaffiisa ilisimaneqarnerat annertusarniarlugulu nukittorsarniarlugulu, aallartinneqarpoq. Apeqqutit oqaluuserisassat ulluinnarni inuunermut, misigisanut qanorlu paasinnittarnermut tunngassuteqarput, uagullu inuttut ullut tamaasa inuit pisinnaatitaaffiinik – eqqarsaatigalugit eqqarsaatiginagillu atuinitsinnik ersarissaallutik. Apeqqutit oqaluuserisassat kikkunnut tamanut naapertuupput.
Apeqqutinik oqaluuserisassanik atuisutut, oqaloqatigiinnerit aqqutigalugit, inuit pisinnaatitaaffiisa innuttaasut ataasiakkaat inuunerannut qanoq pingaaruteqarsinnaassusaat ilisimaarilissavat. Apeqqutit oqaluuserisassat peqataasut misigisaannik, isumaannik tunngavigisaannillu aallaaveqarput, kukkusumillu akissuteqartoqarsinnaanani.
Apeqqutit oqaluuserisassat ima atussavatit:
- Ass. sisamat tallimallu akornanni inuttalinnik eqimattakkuutaanik pilersitsigitsi.
- Eqimattami inuk ataaseq apeqqummik oqaluuserisasamik tigusissaaq allamillu siulliulluni akissuteqartussamik toqqaalluni. Apeqqutini oqaluuserisassani sammisassat assigiinngitsut arlaannik imal. sammisassamik aalajangersimasumik toqqaassaaq.
- Apeqqummik oqaluuserisassamik allamik tigusisoqartinnagu eqimattami peqataasut tamarmik akisinnaanissaat paasiniarsiuk.
- Oqaluuserisassanik itisiliinerorusukkaanni tusarnaartut tamarmik akissuteqartumut malitseqartitsillutik apeqquteqartarnissaannik malittarisassiortoqarsinnaavoq.
- Eqimattami apeqqut akineqartoq misigigaanni, tunorlinngortinneqassaaq tulliuttorlu apeqqummik tigusissalluni.
Apeqqutinut oqaluuserisassanut, pinguarnikkut sungiusarnikkullu ilisareqatigiinissaq ersarissunillu maleruagassaqarnissaq pisariaqartikkukku, uani isumassarsiorsinnaavutit: icebreaker og regler KAL/DK. Tassani maleruagassat siulliit oqaloqatigiinnermik aallartitsinissamut aallaaviusinnaapput, maleruagassallu arlaat naalaarnermut sungiusarnermik ilaqarlutik.
Apeqqutit oqaluuserisassat qanoq atorsinnaanerat annertunerusumik paasisaqarfigerusukkukku, Inuit Pisinnaatitaaffii pillugit Siunnersuisoqatigiit (IPS) apeqqutit oqaluuserisassat pillugit 2023-imi angalanerannit naliliinermut atatillugu nalunaarusiaq uani aasinnaavat: Evalueringsrapport
Suliniut IPS, GREATTALKS aamma GUX Sisimiut suleqatigiinnerisigut pilersinneqarpoq. Sisimiuni GUX-imi ilinniartut apeqqutinik oqaluuserisassanik misiliisut ataani videomi takusinnaavatit:
Oqaloqatigiinnissamut apeqqutissiat suliniutitut Atlantikup Avannaamiuinut Aningaasaliissutinit taperneqarpoq.
Kortit oqallissaarutit atorlugit workshoppertinneqarnissamik kissaateqarit imm. Kortit oqallissaarutit piniakkit
Kontakt
