Inatsisit pisinnaatitaanerlu
Nunatsinni Inuit Pisinnaatitaaffii pillugit Siunnersuisoqatigiit (IPS) arlaannaannulluunniit attuumassuteqaratik nalinginnaasumik ilisimasanik piginnaasanillu ineriartortitseqataasussaapput nunatsinnilu inuit pisinnaatitaffiinik siuarsaanissaq illersuinissarlu suliassaraluguttaaq.
Siunnersuisoqatigiit pisinnaatitaaffiat inatsisartut inatsisaanni nr. 20, 27. november 2018-imeersumi allassimavoq.
Sulinerput Naalagaaffiit Peqatigiit Parisimi toqqammaviliussaat, nunani inuit pisinnaatitaaffii pillugit sullissivinnut tunngassuteqartut naapertorlugit allanneqarsimasoq, Nunatsinni Siunnersuisoqatigiit pillugit inatsimmit toqqammaviligaavoq.
Inuit Pisinnaatitaaffii pillugit Siunnersuisoqatigiit suliassaqarfii sulinermilu toqqammavissaat Inatsisartut inatsisaanni aalajangersarneqarput.
Siunnersuisoqatigiit suliassaasa qiterisaat tassaavoq nalinginnaasumik nunatsinni inuit pisinnaatitaaffiisa siuarsarlugillu illersorneqarnissaat. Pisinnaatitaaffiit nunatta akuerisai akuerinngisaalu isumaqatigiissutini atuuttuni nassuiarneqarput.
Maalaarutit
IPS sulianik inunnut ataasiakkaanut tunngasunik maalaarutinilluunniit suliaqarnissamut inatsisitigut tunngavissaqanngilaq. Tamanna IPS-ip innuttaasumit pisumut aalajangersimasumut-, imal. innuttaasup inuttut pisinnaatitaaffimmi innarligaanerannik misigineranut tunngasumik saaffiginnissummik suliaqarnissamut periarfissaqannginneranik, isumaqarpoq. Malaaruteqarfissamut eqqortumut innersuussinikkut IPS ikiuussinnaavoq inuillu pisinnaatitaaffii pillugit isumaqatigiissutini allaaserisanut aalajangersimasunut tunngatillugu siunnersuilluni.