IPS - Inuit Pisinnaatitaaffii pillugit Siunnersuisoqatigiit 2022-mut ukiumoortumik nalunaarusiaat saqqummiuppaat
IPS - Inuit Pisinnaatitaaffii pillugit Siunnersuisoqatigiit 2022-mut ukiumoortumik nalunaarusiaat saqqummiuppaat. Ukiumoortumik nalunaarusiaq IPS nammineq inuiaqatigiinnut nalunaarusiatut saqqummiussaavoq nalunaarusiamilu sammisat immikkut toqqakkat, iliuuserisat inuillu pisinnaatitaaffiinut tunngatillugu angusat peqataaffigisagut ukkanneqarput. Ukioq manna IPS-imi suliassat annertusiartornerat ilutigalugu Ukiumoortumik nalunaarusiaq nutaamik ilusilerneqarpoq. Suliat tulleriiaarlugit taakkartornagit sammisat immikkut toqqakkat, iliuuserisat inuillu pisinnaatitaaffiinut tunngatillugu angusat peqataaffigisagut ukkanneqassapput.
Ukiumoortumik nalunaarusiap imarisai
Aallaqqaasiummi Siulittaasoq Qivioq Løvstrøm imatut allappoq:
"Suliat spiralilersuisimanertut ittut, naalagaaffiup inuit pisinnaatitaaffiinit isigalugu
akisussaatinneqarnissaanik ukkassiuarnissamik anertuumik pisariaqartitsisoqarnera,
takutippaat. Kinguaariinni arlalinni ikilernertut ittunut anigoruminaatsunut
mamisaanermik tarnikullu isummerfiginninnermik qangali pisariaqartitamik
qulakkeerinissaq siunertaralugu, qanga maannalu innarliinerit nalaatallu
anigoruminaatsut saqqummiunneqassapput."
Akuersitseqqaarani spiralilersuisimaneq ilaatigut ukiumoortumik nalunaarusiami allaaserineqarpoq.
Ukiumoortumik nalunaarusiami allaaserisat uku ilaatigut atuarneqarsinnaapput:
- Namminersorlutik Oqartussat ulloq unnuarlu paaqqinniffianni arnamik
annertuumik innarluuteqartumik innarliineq – inuit pisinnaatitaaffiinik
annertuumik unioqqutitsineq - Inatsimmik akuerseqqaarnissamik piumasaqaatitalimmik akuersineq –
inuit pisinnaatitaaffiinit isigalugu siuariarneq - Kinaassutsimut inuiaassutsimullu pisinnaatitaaffiit pillugit oqallinneq
pingaaruteqarpoq - Inuit pisinnaatitaaffii pillugit ilisimasanik siammarterivugut
- 2023-imi ukkassassat
IPS - Inuit Pisinnaatitaaffii pillugit Siunnersuisoqatigiit atuarluarnissarsi kissaappaa!