Allatseqarfik
Siunnersuisoqatigiit allatseqarfimmit kiffartuunneqarput, ataatsimiittarnerit isumagineqartarput Siunnersuisoqatigiillu pingaarnersiugaat suliniutaallu piviusunngortinneqartarlutik. Ulluinnarni aqutsisut allatseqarfimmit qanimut suleqatigineqarput, siunnersuisoqatigiinnilu ilaasortani immikkut piginnaasat suliniutini naapertuuttuni ilanngunneqartarnissaat qulakkeerneqartarlunissaaq.
Allatseqqarfik piffissaq suliffiusartoq tamakkerlugu sulisunik marlunnik ullumikkut sulisoqarpoq ataatsimillu ilinniakkamut naapertuuttumik ikiortitut sulisoqarluni. Taakku saniatigut suliniutinik sulialimmik 2023-ip naanissaata tungaanut sulisoqarpugut.
Suleqatigiinneq - Institut for Menneskerettigheder
Allatseqarfiup qanimut suleqatigaattaaq Danmarkimi Inuit Pisinnaatitaaffii pillugit Institutti (IMR), 2014-imiilli pisortatigoortumik nunatsinnuttaaq Instituttiusoq. IMR-ip nunatsinni suliniutaasa nunatsinnut piukkunnarsagaanissaat IPS-ip qulakkiigassaraa. Nunatsinni inuit pisinnaatitaaffiinik ilisimasaqarnerup siammarterneqarnissaa IPS-imit IMR-imiillu ataatsimoorullugu anguniagaavoq, taamatuttaaq inuit pisinnaatitaaffiisa nunatsinni atuutsinneqarnerat eqquutsinneqarnerallu isummerfigisarparput.
Nunatsinni ukkassassat nunallu inoqqaavisa pisinnaatitaaffiinik ukkassiuarnissaq qulakkeersinnaajumallugu, nunatta namminerisaminik Inuit Pisinnaatitaaffii pillugit Institutteqalertariaqarnera (NHRI) IPS-imit IMR-imiillu isumaqataaffigineqarportaaq.
-
-
CopyrightHumanrights.glKristina Møldrup Kristensen
A/C fuldmægtigi, Atlantikup Avannaamiuinut Aningaasaliissutinullu suliniummik aqutsisoq. -
-
