”Pisinnaatitaaffitit ilisimanerulikkit”: IPS oqaloqatigiinnissamut apeqqutissiat GUX Nuummi saqqummiukkaat
Ullumi marsip ulluisa 14-ianni, IPS-it (Inuit Pisinnaatitaaffii pillugit Siunnersuisoqatigiit) oqaloqatigiinnissamut apeqqutissiat, Nuummi GUX-imi suleqatigiissuteqarnermi GREATTALKS suleqatigalugu ingerlanneqartumi, saqqummiuppaat.
2022-imi ukiakkut GUX Sisimiuni misilinneqareermata, misilittakkat ilinniartullu isummersuutaat, pitsanngorsaanermut inaarsaanermullu atorneqarput.
Sisimiuni suleqatigiissuteqarnerup kingorna pisinnaatitaaffiit ilisimanissaasa pingaaruteqassusaanik ilinniartut paasinninnerisa annertusineranik ilaatigut takutitsivoq.
Inuit pisinnaatitaaffiisa- ulluinnarnilu qanoq pisariaqartitsiginerisa oqaloqatigiissutiginissaanut periusaavoq pitsaasoq
Ingerlatsineq tamakkerlugu apeqqutinik inerisaanermi ilinniartut peqataatinnissaasa tunngaviunera pingaaruteqarsimavoq, sakkussap atuartitsinermi ilinniarnertuunngorniarfinnilu inuiaqatigiilerinermi atortuini aallaaveqarnissaa neriuutigineqarluni.
Oqaloqatigiinnissamut apeqqutissiani periarfissarpassuit
”Sisimuni GUX imi ilinniartut peqatigalugit, oqaloqatigiinnissamut apeqqutissianik inerisaaneq assut isumassarsiviuvoq kinguneqarluarlunilu, apeqqutit ilinniartitsinerni isumaliutersortitsinissamut piukkunnarluarput” IPS-it allatseqarfianni pisortaq Tina Dam oqarpoq.
Ilinnianertuunngorniaq inuusuttullu aallaqqaammut saaffigineqaraluit, oqaloqatigiinnissamut apeqqutissiat saaffigisinnaasanut allarpassuarnut piukkunnaateqarput. Suleqatigiissuteqarnerup oqaloqatigiinnissamut apeqqutissiat, sullissivinnut, suliniaqatigiiffinnut inuillu pisinnaatitaaffiinik soqutiginnittunut amerlaneroqisunut siammarternissaat IPS-it maanna pilersaarutigaat, taamaaliornikkullu kikkut tamat pisinnaatitaaffiit piumasaqaatitalimmik oqaluuserinissaannut oqallisiginissaannullu periarfissillugit.
- Nunatsinni inuuneq
- Pisinnaatitaaffitit ilisimanerulikkit
- Meeqqat inuusuttullu pisinnaatitaaffii
- Ilinniartitaanissamut pisinnaatitaaffik
- Assigiimmik pineqarneq
- Inuit innarluutillit
- Nunat inoqqaavisa pisinnaatitaaffii
- Peqqissuunissamut pisinnaatitaaffik
"Inuunitsinni nunatsinnilu inuit pisinnaatitaaffii pillugit oqaloqatigiinnernik kinguneqarluartunik pilersitsinissaq, ataatsimoorluta pisinnaatitaaffitsinnik ilisimaarinnitsinnik nukittorsaasinnaaneq, apeqqutit oqaloqatigiissutissat annertuumik nukittoqutigaat. Taamaammat IPS-it, apeqqutit oqaloqatigiissutissat, Kommuneqarfik Sermersuumi Meeqqanut Ilaqutariinnullu sullissivimmi suleqatigiissuteqarnermi iluatsilluaqisumik misilippaat. Taamaalillutik apeqqutit oqaloqatigiissutissat atuartitsinermuinnaanngitsoq piukkunnarput, aammali kinguneqarluartussamik sammisaqartitsinermi imal. pitsaasumik oqallinnissami tunuliaqutaasinnaallutik." Tina Dam nangilluni oqarpoq.
Suliniut nunatsinni inuit pisinnaatitaaffiisa ilisimaneqarnissaannut nukittorsaallunilu, siammarteralunilu attassisinnaassaaq. Nunatsinni innuttaasut, inuit pisinnaatitaaffii suunersut, suut pisinnaatitaaffiunersut pingaartumillu innuttaasut ataasiakkaat inissisimaffimmik qanoq isumaqarfigineranik ilisimaarinnilernissaat anguniarneqarpoq.
Nunarput tamakkerlugu inuit pisinnaatitaaffiinut tunngatillugu ilisimaarinninnermik ikorfartuinissaq IPS-it kissaatigaat. Oqaloqatigiinnissamut apeqqutissiallu nunatsinni innuttaasut ataasiakkaat pisinnaatitaaffiit, nunatsinni inuunerup pisinnaatitaaffiillu naapertuunnerisa pingaarutaasalu ataqatigiinnerannik takunnissinnaanissaannut aqqutissiuussipput.
Suliniut Oqaloqatigiinnissamut apeqqutissiat pillugu uani paasisaqarnerugit:
Oqaloqatigiinnissamut apeqqutissiat suliniutitut nunatsinni inuit pisinnaatitaaffii pillugit ilisimasanik nukittorsaasussaapput, siammarterisussaapput attassisussaallutillu.
