Inuit Pisinnaatitaaffii pillugit Siunnersuisoqatigiit allatseqarfianni siunnerfilimmik inerisaarusussusilimmillu pisortassarsiorpugut

Taamaappat taannaasinnaavutit allatseqarfitsinni pisortariligassarput, Kalaallit Nunaanni Inuit Pisinnaatitaaffii pillugit Siunnersuisoqatigiit peqatigalugit, pisinnaatitaaffiit pillugit Naalagaaffiit Peqatigiit (FN) inuit pisinnaatitaaffii pillugit isumaqatigiissutaat tunngavigalugit suliaqarnermi inerisaaqataasussaq sunneeqataasussarlu.

Suliffik

Nunatsinni inuit pisinnaatitaaffiisa inerisarneqarnerannik nukittorsaanissaq soqutigilluinnagaraajuk, tamatumalu oqaluuserisassanngortinnissaa suliniaqatigiiffittalu innuttaasunit politikeriniillu ilisimaneqarnerata annertunerulernissaa peqataaffigerusuppiuk? Kalaallini inuiaqatigiinni suut eqqartorneqartut ilisimasaqarfigilluarpigit pimoorussisuullutillu?

Allatseqarfimmi pisortatut, allatseqarfiup aqunneqarnera ulluinnarnilu ingerlatsineq akisussaaffigissavatit, Siunnersuisoqatigiit - pingaarnertullu soqutigisaasa akornanni atassutaallutillu attaveqaataassaatit, suliassatullu Siunnersuisoqatigiinnit aalajangersakkat, piffissaq suliffiusartoq tamakkerlugu sulisut pingsut qaffasissumillu ilinniartoq ilinniakkamut naapertuuttumik ikiortitut sulisoq ataaseq peqatigalugit, naammassineqarnissaannik qulakkeeralutit.

Tamatuma saniatigut namminersorsinnaassuseqarputit, aaqqisuussamik eqaatsumillu periuseqarlutit siusissukkullu iliuuseqartarlutit.

Atorfik piffissaq suliffiusoq tamakkerlugu suliffiussaaq allatserqarfillu Nuummi inissisimalluni.

Ulluinnarni suleqatigiinnut pikkorissunut pisortatut, allatseqarfimmik ulluinnarni ingerlatsineq isumagisassaraat Siunnersuisoqatigiillu siulittaasuat qanimut suleqatigalugu inerisaanermut atatillugu qaammarsaanermi atortussanik paasissutissanillu suliaqarnermi, kiisalu iliuusissanik allanik Siunnersuisoqatigiit aalajangigaannik pilersaarusiornermi ataqatigiissaarinermilu siuttuussaatit.

Ilinniagaqassutsikkut piginnaasat/suliassatit

• Siunnersuisoqatigiinnik ataatsimiinnernillu kiffartuussineq Siunnersuisoqatigiillu aalajangigaasa malitseqartinneqarnissaannut akisussaaneq
• Allatseqarfimmi sulisunik aqutsineq
• Siunnersuisoqatigiit siulittaasuannik qanimut oqaloqateqarneq siunersioqateqarnerlu
• Inuit pisinnaatitaaffiinut tunngatillugu nalunaarusianik tusarniaanernullu naapertuuttunut akissutinik ataqatigiissaarineq
• Nunatsinni inuit pisinnaatitaaffiinut tunngasut pillugit Danmarkimi Inuit Pisinnaatitaaffii pillugit Instituttimik suleqateqarneq
• Siunnersuisoqatigiit attaveqatigiinnikkut tusagassiisarfiinik – ilaatigut nittartakkamik Facebookimilu quppernermik isumaginninneq
• Suliniutinik inuit pisinnaatitaaffiinik ilisimaarinninnermik siuarsaaqatasussanik ukioq kaajallallugu pisartussanik inerisaaneq atuutilersitsinerlu
• Siunnersuisoqatigiinnut kiffartuussinernik isumaqatigiissutinillu; ass. inatsisilerituunit, allakkiortunit, tusagassiortunit il.il. aqutsineq
• Allatseqarfimmi allaffissornikkut suliassanut takkussortunut akisussaasuuneq
• Naatsorsuusiortoq kukkunersiuisorlu peqatigalugit aningaasaqarnikkut aqutsineq ataqatigiissaarinermullu akisussaasuuneq
• Kalaallisut qallunaatullu allasinnaallutillu oqalussinnaassaatit tuluttullu paasisinnaassallutit

Inuttut piginnaasat/illit tassaavutit

• Suliassanik pilersaarusiornermut ingerlatsinermullu akisussaasoq, suliumatooq isumassarsiullaqqissorlu
• Namminersorluni suleqatigiinnilu sulisinnaasoq
• Siulittaasumut siunersioqataasinnaasoq ataatsimullu isiginnissinnaassusilik
• Inuit pisinnaatitaaffii tunngavigalugit sulisinnaasoq
• Inuit pisinnaatitaaffiisa ilisimaneqalernissaannut siammarternissaannut politikkikkullu sunniuteqarnissamut piumassusilik
• Suliassanik pingaarnersiuisinnaasoq, aallartitsisinnasoq, ingerlatsisinnaasoq naammassinnissinnaasorlu
• Qarasaasiarsornermik sullississutinillu nalinginnaasunik sungiussisimasoq; Office pakkenimik, Wordpressimik Facebookimillu atuisinnaasoq.
• Attaveqatigiinnik pilersitsisinnaasoq taakkunanilu peqataasinnaasoq

 

Neqeroorutigaagut

• Nunatsinni inuit pisinnaatitaaffiisa oqaluuserisassanngortinnissaannut periarfissaq assissaqanngitsoq
• Avatangiisit inatsimmit, Kalaallit Nunaanni Inuit Pisinnaatitaaffii pillugit Siunnersuisoqatigiinnit siulittaasumiillu toqqammavissiissutit iluanni iliuuseqarnissamut annertuumik perfiarfissiisut
• Soqutigilluinnakkanni sunniuteqarsinnaaneq naammassisaqarsinnaanerlu
• Suliffeqarfik iliuuseqarsinnaassutsinnik piumassutsinnillu atuisinnaaffiit
• Atorfik inuit pisinnaatitaaffiinut tunngatillugu nutaanik ilikkagaqarfigiuarsinnaasat ilisimasassatigullu malinaaffigiuarsinnaasat
• Inuit pisinnaatitaaffii pillugit attaveqatigiinni ineriartorfiusuni suleqatigiiffiusunilu akuunissamut periarfissiisoq

 

Ilinniagaq/misilittakkat

• Naapertuuttumik qaffasissumik ilinniagaqarneq atorfilittatulluunniit aqutsinermik misilittagaqarneq
• Suliniutinik aqutsineq
• Oqaatsitigut allakkatigullu attaveqatigiinnermut piginnaaneqarluarneq

Akissarsiat atorfininnermilu atugassarititaasut
Atorfininnerup nalaani Namminersorlutik Oqartussat kattuffiullu isumaqatiginninniarsinnaatitaasup isumaqatigiissutaat atuuttoq naapertorlugu akissarsiat atorfininnermilu atugassarititaasut aalajangersagaapput.

Qinnuteqarfissaq kingulleq
Qinnuteqaatit uppernarsaatillu naapertuuttut 14. januar 2024 nallertinnagu uunga nassiunneqassapput: info@humanrights.gl. Qinnuteqartunik oqaloqateqarnissap tamatuma kinguninngua pinissaa naatsorsuutigineqarpoq.
 

Paasissutissat sukumiinerusut
Kalaallit Nunaanni Inuit Pisinnaatitaaffii pillugit Siunnersuisoqatigiit 2013-imi pilersinneqarput.

Kalaallit Nunaanni inuit pisinnaatitaaffii pillugit siunnersuisoqatigeeqarnikkut, ilaatigut nunatsinni inuit pisinnaatitaaffiisa FN-ip Parisimi tunngavissiai tunngavigalugit siuarsarniarneqarnissaat illersorneqarnissaallu, kiisalu nunatsinni inuit pisinnaatitaaffii pillugit nalinginnaasumik ilisimasanik piginnasanillu inerisaaqataanissaq siunertaapput.

Kalaallit Nunaanni Inuit Pisinnaatitaaffii pillugit Siunnersuisoqatigiit Danmarkimi Inuit Pisinnaatitaaffii pillugit Institutti suleqatigaat, nunatsinnilu inuit pisinnaatitaaffiisa sapinngisamik annertunerpaamik ukkanneqarnissaat siunertaralugu Naalakkersuisut, kommunit, pisortat suliffeqarfii inuinnaallu akornanni suliniaqatigiiffiit allat suleqatigalugit.

Tamatuma saniatigut Inuit Pisinnaatitaaffii pillugit Siunnersuisoqatigiit nunatsinni inuit pisinnaatitaaffiinik annertusaaniarlutik ikorfartuiniarlutillu nunani tamalaani attaveqatigiinni peqataapput.

Suliaq pisinnaatitaaffinnik tunngaveqarpoq, Danmarkillu nunattalu inuit pisinnaatitaaffiinut tunngatillugu inatsisitigut pisussaaffiinik aallaaveqarluni.

Siunnersuisoqatigiit 13-inik ilaasortaqarput; pingasut aalajangersimasut qulillu Inatsisartunit toqqakkat. Siunnersuisoqatigiit minnerpaamik ukiumut marloriarlutik katerittarput.

Soqutiginnippit?
Atorfik pillugu apeqqutissaqaruit siulittaasoq Qivioq Løvstrøm mailikkut: qivioq@humanrights.gl attavigisinnaavat.

Atorfik pillugu allanik apeqqutissaqaruit Inuit Pisinnaatitaaffii pillugit Siunnersuisoqatigiit mailikkut: info@humanrights.gl oqarasuaatikkulluunniit: +299 229500 attavigisinnaavatit.

Tusarfiginissat qilanaaraarput.

Inuit Pisinnaatitaaffii pillugit Siunnersuisoqatigiit

Inuit Pisinnaatitaaffii pillugit Siunnersuisoqatigiit uani annertunerusunik paasisarsarsiorfigisinnaavatit www.humanrights.gl.