Kikkut tamarmik kiffaanngissuseqarlutik naligiillutillu inuunissaat sulissutigaarput
Nutaarsiassat
IPS - Inuit Pisinnaatitaaffii pillugit Siunnersuisoqatigiit 2023-mut ukiumoortumik nalunaarusiaat saqqummiuppaat.
Inuit Pisinnaatitaaffii pillugit Siunnersuisoqatigiit (IPS) malaarutinik imal. sulianik inunnut ataasiakkaanut tunngasunik
Naligiissitaaneq pillugu inatsit akuersissutigineqarpoq.
Pisinnaatitaaffitit pillugit sulivugut
Nunatsinni Inuit Pisinnaatitaaffii pillugit Siunnersuisoqatigiit (IPS) arlaannaannulluunniit attuumassuteqaratik nalinginnaasumik ilisimasanik piginnaasanillu ineriartortitseqataasussaapput nunatsinnilu inuit pisinnaatitaffiinik siuarsaanissaq illersuinissarlu suliassaraluguttaaq.
IPS qanoq sulisarnersut kikkullu siulittaasuunersut uani takujuk:
Nunatsinni LGBTQIA+-it
Naligiinneq immikkoortitsinnginnissarlu pillugit tunngavigisassami, inuit pisinnaatitaaffii pillugit nunarsuarmioqatigiinnut nalunaarummi, inuit tamarmik kiffaanngissuseqarlutik, ataqqinassutsikkut pisinnatitaaffitsigullu naligiillutik inunngornerat, NP-iit tunngaviusumik aallaaviusussatut akuerisaanni 1948-imeersumi, allassimavoq.
Assigiimmik pineqarneq qitiusumik inuttut pisinnaatitaaffimmut tunngaviugaluarpalluunniit, Inuit Pisinnaatitaaffii pillugit Europami Isumaqatigiissut (EMRK) naligiissitaanermik immikkoortitsinnginnissamillu piumasaqaatitaqaraluarpalluunniit LGBTQIA+-it pisinnaatitaaffiillu nunarsuarmi ersarinnerorpasileraluit, tamatumunnga tunngatillugu suli unammilligassarpassuaqarpoq.
Suiaaqatinoorneq NP-iinni nunani amerlasuuni suli inerteqqutaavoq, nunanilu arfinilinni suiaaqatinoorneq toqumik pillaatisinermik kinguneqarsinnaasarluni[i].
Tamatuma saniatigut, nunat NP-iinni ilaasortaasut ilaasa suiaaqatinoortuunermik inatsimmik unioqqutitsinerujunnaarsitsisimanerannut, taamaattorli LGBTQIA+ iussutsip ileqqulersuutinillu takutitsinissap inerteqqutinngortitsisimanerannut, tamatumalu saniatigut suliffissarsisinnaanermut, inissarsisinnaanermut Peqqinnissaqarfimmullu annertuumik sunniuteqartumik, amerlanerussuteqartunit assuarisaanerannut immikkoortitaanerannullu assersuutissaqarportaaq.
Nunani suiaaqatinoortuuneq LGBTQIA+-unerlu inatsisitigut akuerisaagaluaq, atoqatigiinnikkut isuma suiaassutsikkullu kinaassuseq tunngavigalugit nakuuserfiginninneq, immikkoortitsineq oqaatsillu atorlugit uumissuineq takussaapputtaaq.
Oqaloqatigiinnissamut apeqqutissiat
Apeqqutit oqaluuserisassat qulequtsiullugu suliniut, nunatsinni inuit pisinnaatitaaffiisa ilisimaneqarnerat annertusarniarlugulu nukittorsarniarlugulu, aallartinneqarpoq. Apeqqutit oqaluuserisassat ulluinnarni inuunermut, misigisanut qanorlu paasinnittarnermut tunngassuteqarput, uagullu inuttut ullut tamaasa inuit pisinnaatitaaffiinik – eqqarsaatigalugit eqqarsaatiginagillu atuinitsinnik ersarissaallutik. Apeqqutit oqaluuserisassat kikkunnut tamanut naapertuupput.
Illit inuunerit - illit pisinnaatitaaffitit
Inuit pisinnaatitaaffii pillugit
Inuit pisinnaatitaaffii politikkikkut akuerineqarnikuupput sorsunnersuup aappaani pisut amiilaarnartut kingorna. Nunat arlallit isumaqatigiissutigaat inunnut tamanut atuuttussanik tunngaviusumik pisinnaatitaaffinnik qulakkeerisoqassasoq. Pappiaqqamut allanneqarsimapput: Naalagaaffit Peqatigiit inuit pisinnaatitaaffii pillugit Nunarsuarmioqatigiinnut nalunaarutaa. Pappiaqqat tassaapput Nunarsuarmi inuit kiffaanngissuseqarlutik naligiillutillu inunngorsimanerannik takorluugaqarnermik tunngaveqartut.
Naalagaaffiit Peqatigiit isumaqatigiissutinik qulingiluanik nunarsuarmioqatigiit isumaqatigiissutaannik sukumiinerusumik allassimasunik akuersisimapput.
Isumaqatigiissutimmi tassaapput Nunani tamalaani inatsisit.
Nunalu isumaqatigiissummut peqataaleruni – isumaqatigiissullu akueralugu – isumaqatigiissut atuutsinniarlugu angertarput. Kisianni Kalaallit Nunaanni illit pisinnaatitaaffitit illersorneqartussaapput nunatsinni inatsisit aallaavigalugit. Naalagaafiup pisinnaatitaaffivit ataqqinissai, illersornissai siuarsarnissaallu pisinnaatitaaffigaatit.
